«Мемлекеттік тіл және бұқаралық ақпарат құралдары» республикалық конкурсы туралы

Қазақстан Республикасы Мәдениет министрлігінің Тіл комитеті мемлекеттік тіл саясатын бұқаралық ақпарат құралдарында кеңінен насихаттау, мемлекеттік тілдің қазақ және орыс тілді басылымдарда насихатталу белсенділігін арттыру мақсатында Баспасөз күніне орай Астана қаласында «Мемлекеттік тіл және бұқаралық ақпарат құралдары» республикалық конкурсының марапаттау рәсімі өтті.

Бұл конкурсқа еліміздің қоғамдық өмірінде мемлекеттік тілдің қызмет ету аясын кеңейту мен мәртебесін нығайту, жарияланымдар мен хабарлардың сапасын жақсарту және қазіргі мемлекеттік тілдің ахуалы туралы өткір де өзекті, сыни материалдар жариялаған жекелеген тілшілер мен шығармашылық топтар және бұқаралық ақпарат құралдары қатысты.

Конкурс «Үздік басылым» «Үздік телеарна», «Үздік радио», «Үздік сайт», «Үздік автор» деп аталатын бес номинациялар бойынша өтті.

Конкурста 2010 жылғы 10 қаңтар мен 10 маусым аралығында қазақ және орыс тілдерінде жарық көрген жарияланымдар, эфирден өткен хабарлар қамтылды.

Ең үздік деп танылған жүлдегерлер арнайы дипломдармен және қаржылай сыйлықтармен марапатталды. Атап айтқанда, бірінші орынды «Үздік басылым» номинациясы бойынша «Ана тілі» газеті, «Үздік телеарна» номинациясы боынша Ақтөбе облыстық «РИКА-ТВ» телеарнасы, «Үздік радио» номинациясы бойынша Қазақ радиосы (Алматы қаласы) және «Үздік сайт» ноинациясы бойынша І орындарды Дүниежүзі қазақтары қауымдастығы Павлодар облысы ұйымының «Қайран елім» сайты мен Қазақ мәдениеті мен тілін дамыту корпоративтік қорының «Абырой» халықаралық сайты жеңіп алды.

«Үздік автор» номинациясы бойынша І орындар:

«Сулейменов көшесі, КазГАСА, Сары-арка, Шанырак…», «Алматыда жарнама ісімен айналысатын 130 агенттік бар», «Ана тіліміздің абыройын асқақтатайық», «Рудың атымен ұрандатқан» мақалалары үшін журналист Өтеш Қырғызбайға («Алматы ақшамы» газеті);

«Қос қанатты қыз» және мемлекеттік тілді насихаттау бағытындағы бағдарламалары үшін тележурналист Елена Рыбинаға (Қызылорда облысының «Коғам-ТВ» телеарнасы);

«Дағдарыс пен даму» бағдарламасы үшін радиожурналист Жылбек Керімбекке (Қазақ радиосы) берілді.

«Үздік автор» номинациясы бойынша ІІ орындар:

«Мемлекетті біріктіретін – тіл», «Телевизия – мемлекеттік тіл жанашыры ма?», «Израиль «өлі» тілді «тірі» тілге айналдырды» мақалалары үшін журналист Айжан Көшкеноваға («Айқын» газеті);

«Тіл сақшысы» бағдарламасы үшін тележурналист Гүлнәр Амангелдіге («Оңтүстік астана ТРК» АҚ, Алматы қаласы);

«Будущее Казахстана в казахском языке» хабарлар сериясы үшін Павлодар облыстық радиосының тілшісі Шынар Мәденоваға берілді.

«Үздік автор» номинациясы бойынша ІІІ орындар:

«Языковая политика – дело деликатное» мақаласы үшін журналист Көкен Оршабековке (Жамбыл облысының «Знамя труда» газеті);

«Айтарым бар» бағдарламасы үшін тележурналист Күлтай Әбдірахмановаға «Қазақстан – Қостанай»);

«Мен қазақпын» ақпараттық-танымдық бағдарламасы үшін радиожурналист Ұлағат Ханзадаға (Қазақ радиосының «Астана» редакциясы) берілді.

«Үздік автор» номинациясы бойынша ынталандыру сыйлықтары:

«Ұлтсыздықпен күресу – ұлы мұрат», «Мемлекеттік тілді менсінбеу, Заң түзелмейінше, жалғаса береді» мақалалары үшін журналист Рәзиға Әшееваға («Алтын Орда» газеті);

«Ольганың қазақшасы қайран қалдырады», «Журналистикаға келуім шумен басталды» мақалалары үшін журналист Ғанибет Ғалымбекұлына («Нұр-Астана» газеті);

«На языке Абая» және мемлекеттік тілге қатысты басқа да хабарлары үшін тележурналист Нұрсұлу Әубәкіроваға (Солтүстік Қазақстан облысының телеарнасы);

«Қазақ тілі аялдамаларға келгенде сүрінді»…» және «Мейрамханалар мен дүкендердің атауы не дейді» батыл сыни бағдарламалары үшін тележурналист Айгүл Шайхимоваға («Қазақстан – Павлодар» телеарнасы) берілді.

Іс-шара өткен орын: Астана қаласы, сол жағалау,ҚР Ұлттық академиялық кітапхана

Байланыс телефондары: 8 (7172) 74-05-01, 74-05-10, 74-04-97 (тел/факс);

http://mki.gov.kz/showarticle.php?lang=kaz&id=2920